32 uffiċjal tal-Pulizija se jitressqu l-Qorti akkużati bi frodi

32 uffiċjal tal-Pulizija qed jiffaċċjaw akkużi ta’ frodi u dan wara l-investigazzjoni fit-taqsima tat-traffiku li bdiet is-sena li għaddiet wara li whistleblower għadda informazzjoni dwar abbuż mis-sahra u l-extra duty.

Il-persuni nvoluti jinsabu akkużati bi frodi u kompliċità ta’ frodi, kif ukoll jinsabu akkużati li għamlu dikjarazzjonijiet foloz u b’kompliċita ta’ dikjarazzjonijiet foloz. 

L-akkużi kontra l-uffiċjali tressqu dalgħodu quddiem ir-reġistru tal-qorti bis-seduti mistennija jibdew meta jintagħżel maġistrat biex isegwi dan il-każ.

Fil-jiem illi ġejjin, se jkunu qed jiġu ppreżentati akkużi fil-konfront ta’ aktar persuni.