Għal-ħabta tal-17:30, tliet irġiel Rumeni weġġgħu waqt li kienu fuq vapur f’tarzna fix-Xatt ta’ Bormla, hekk kif sofrew ħruq minn xi ‘steam’ waqt li kienu qed isiru xi xogħolijiet fuq il-vapur.
Wieħed mill-vittmi ġie kkurat fuq il-post, filwaqt li ż-żewġ irġiel l-oħra ttieħdu l-isptar Mater Dei għall-aktar kura. Il-kundizzjoni tal-vittmi, ta’ 23 sena u 52 sena rispettivament għada mhux magħrufa.
L-istħarriġ mill-Pulizija tad-Distrett ta’ Bormla għadu għaddej.
