Meta tħares lura lejn il-mandat tiegħek, x’tikkunsidra bħala l-aktar kisba sinifikanti fil-minister tiegħek, u x’impatt kellha fuq ħajjet in-nies?
Il-ħolqien tal-1400 li fl-ewwel sena minn meta ġie varat dan il-helpline, qeda 35,000 persuna b’kundizzjonijiet t’urġenza u franka 15,000 ammissjoni fl-Emerġenza tal-Isptar Mater Dei. Imma kisba oħra importanti kienet il-ħolqien tas-CAYS unit fir-Rabat Għawdex u Birkirkara li joffru servizz ta’ kwalità u dinjità lil eluf ta’ tfal u żgħażagħ bi problemi ta’ żvilupp u saħħa mentali.
Meta tħares lura, hemm xi deċiżjoni li kont tieħu b’mod differenti? U kieku kellek l-opportunità terġa’ tieħu dik id-deċiżjoni, x’kont tbiddel?
Hemm diversi, imma nemmen li l-importanti huwa li tgħallimt minn kull waħda minnhom.
X’inhuma l-aktar tliet sfidi urġenti li se jaffaċċja l-pajjiż fil-ħames snin li ġejjin?
- Il-loġistika u l-ħtiġijiet li jistgħu jiġu impattati minn gwerra li taf it-tul.
- Espansjoni tal-infrastrutura essenzjali li tindirizza l-ħtiġijiet ta’ popolazzjoni li tista’ tikber.
- Il-pjanijiet li jkomplu jsaħħu trasport tal-massa, ħa jkunu kruċjali biex tiġi indirizzata l-isfidi tat-traffiku.
X’wasslek biex tikkontesta l-elezzjoni?
Kuntent li fil-leġiżlatura li qed tispiċċa, ħdimt bla waqfien biex inwettaq dak meħtieġ minni. Lest li nkompli naħdem għal pajjiżi.
Semmi kwistjoni li int partikolarment appassjonat dwarha u għid għaliex?
L-imħabba lejn l-annimali, speċjalment klieb u qtates, u nieħu pjaċir meta l-Gvern u s-soċjetà jtejbu l-kundizzjoni ta’ dawn il-ħbieb tagħna.
Barra mill-politika, kif tħobb tqatta’ l-ħin liberu tiegħek?
Fil-ħin liberu nħobb ħafna l-films u ċ-ċinema, kif ukoll naqra u nistudja kotba fuq l-istorja.
