Robert Abela għadu kif ħa l-ġurament tal-ħatra ta' Prim Ministru wara li lbieraħ kiseb rebħa storika ta' kważi 39,500 vot distakk fuq il-Partit Nazzjoanlista biex imexxi lill-pajjiżna għall-ħames snin li ġejjin.
Il-Belt Valletta nbidel f'baħar ta' aħmar u abjad hekk kif eluf ta' attivisti Laburisti ħarġu biex isellmu lil Abela li kiseb l-ewwel rebħa tiegħu u wassal għat-tielet rebħa tal-Partit Laburista sa mill-2013 f'elezzjoni ġenerali u s-sitt rebħa ta' elezzjoni nazzjoni mill-2009 (Ġenerali u elezzjoni tal-Parlament Ewropew) għall-Partit Laburista.
Il-Prim Ministru intlaqa' minn diversi attivisti u kandidati eletti fis-Sala tat-Tron qabel imbagħad ħareġ isellem lill-folla barra li malli feġġ mill-gallarija flimkien ma' martu Lydia u bintu Georgia Mae, infexxet f'għajjat ċapċip u ċelebrazzjoni.