Inqalgħu problemi kbar għall-vjaġġaturi bl-ajru fl-ajruport ta’ Heathrow hekk kif ħuġġieġa kbira faqqgħet fis-substation elettriku ta' North Hyde f'Hayes, fil-Punent ta' Londra. In-nirien kienu tant li qatgħu d-dawl fir-reġjun.
In-nirien bdew madwar il-11:23pm tal-ħin lokali u kellhom jintbagħtu 10 vetturi tat-tifi tan-nar u 70 pumpier fuq il-post biex jitfuhom. In-nirien ikkawżaw ħsara serja lil transformer fis-substation, u minkejja l-isforzi, in-nirien baqgħu għaddejjin sas-sigħat bikrin ta' filgħodu.
Il-qtugħ tad-dawl li rriżulta minn dan l-inċident ġiegħel lill-ajruport ta' Heathrow f'Londra, wieħed mill-aktar ajruporti traffikużi fid-dinja, jissospendi l-operazzjonijiet kollha għal ġurnata sħiħa.
Dan l-għeluq bla preċedent wasslet għat-tħassir jew devjazzjoni ta' aktar minn 1,300 titjira, li affettwaw madwar 145,000 passiġġier. It-titjiriet li kienu ġejjin ġew iddevjati lejn ajruporti alternattivi; l-interuzzjoni ta’ Heathrow affettwat ukoll servizzi ferrovjarji.
L-impatt tan-nirien estenda lil hinn mill-ajruport, u qata’ d-dawl ta’ minn 16,000 dar u negozju fil-viċinanzi. Is-servizzi tal-emerġenza evakwaw mill-inqas 150 individwu miż-żona affettwata bħala miżura ta' prekawzjoni.
Is-Segretarju tal-Enerġija, Ed Miliband, iddeskriva l-inċident bħala "ħuġġieġa katastrofika,” speċjalment minħabba l-effett tagħha fuq is-sistemi primarji u sekondarji tad-dawl.
.png)
.png)
