Nazzjonijiet Ewropej jidħlu f'negozjati mal-Iran dwar il-gwerra mal-Iżrael

Il-Ministri għall-Affarijiet Barranin tar-Renju Unit, Franza, u l-Ġermanja daħlu f'negozjati mal-Ministru għall-Affarijiet Barranin Iranjan biex forsi jkun hemm soluzzjoni diplomatika għall-gwerra tal-Iran u l-Iżrael.

"Issa teżisti opportunità biex fil-ġimagħtejn li ġejjin tintlaħaq soluzzjoni diplomatika," qal is-Segretarju għall-Affarijiet Barranin David Lammy qabel ma seħħet il-laqgħa.

Din il-laqgħa nibtet wara li l-White House qalet li l-President tal-Amerka Donald Trump ħa jagħmel ġimagħtejn jikkontempla jiħux azzjoni diretta fl-Iran.

Il-gwerra bejn l-Iran u l-Iżrael għadha għaddejja bl-ebda ħjiel li ħa tehda, hekk kif l-armata Iżraeljana qalet li wettqet attakki fuq bosta bersalli, inklużi, skont l-armata, fabbriki tal-missili f'Tehran.

Min-naħa l-oħra, jidher li ndarbu seba' min-nies oħrajn f'Beersheba, fin-Nofsinhar tal-Iżrael, wara li missila Iranjana laqtet park tat-teknoloġija.

Intant, l-Iran għadha ma ppubblikatx figuri uffiċjali ta' vittmi min-naħa tagħha u b'hekk l-estent tal-ħsara mwettqa mill-Iżrael huwa diffiċli biex jiġi assessjat.