'Oqtluhom kollha': L-Istat Iżlamiku jhedded b'attakki fl-erba' partiti tal-UEFA Champions league

L-Istat Iżlamiku qed jhedded b’attakki f’erba’ grounds tal-futbol, li din il-ġimgħa se jospitaw il-kwarti finali tal-UEFA Champions League.

Il-grounds huma l-Emirates Stadium f’Londra, il-Parc des Princes f’Pariġi, u s-Civitas Metropolitan u s-Santiago Bernabéu f’Madrid.

Illejla, Arsenal jilagħbu kontra Bayern Munich u Real Madrid jilqgħu lil Manchester City.

Għada, Atlético Madrid jilagħbu kontra Borussia Dortmund u Paris Saint-Germain kontra Barcelona.

Fuq il-midja soċjali tiegħu l-istat Iżlamiku tefa’ ritratt ta’ kull ground, bil-kitba “Oqtluhom kollha,” mal-ġenb.

Il-midja internazzjonali qed tirraporta kif il-pulizija qed tgħid li għandha s-sitwazzjoni taħt kontroll u għalhekk m’hemmx lok għall-allarm.