L-Alpi ħodor minflok bojod hekk kif jippersistu temperaturi ogħla minn normal madwar l-Ewropa

Minn Franza, sa Spanja, sal-Polonja u Malta... L-Ewropa tiffaċċja Xitwa b'temperaturi ħafna ogħla minn normal

Xitwa bla borra? L-Alpi jibqgħu ħodor...
Xitwa bla borra? L-Alpi jibqgħu ħodor...

Ħafna mill-Alpi huma ħodor minflok bojod bħalissa, miksijin bil-ħaxix minflok il-borra li fil-fatt mhix normali għal dan iż-żmien tas-sena. Dan hekk kif bħalissa ħafna mill-Ewropa qed tesperjenza temp li mhuwiex normali għal dan iż-żmien tas-sena, b'nuqqas ta' borra - xi ħaġa li qed timpatta wkoll u mhux ftit lill-industrija tal-iskiing. 

Irqajja kbar ta' ħaxix u ġebel kien jidher fiċ-ċentri l-aktar popolari tal-iskiing fl-Ewropa, fosthom Innsbruck fl-Awstrija u Villars-Sur-Ollun fl-Iżvizzera. 

Diversi partijiet tal-Ewropa qed jiffaċċjaw temperaturi ħafna ogħla minn normal bħalissa, b'temperaturi ta' madwar 19-il Grad Celsius fil-Polonja u saħansitra 25  Grad Celcius f'Bilbao, fi Spanja. L-Iżvizzera qed tbassar fost l-ogħla temperaturi rreġistrati f'dawn iż-żminijiet tas-sena filwaqt li t-temperatura se titla' għal 18-il Grad Celsius f'Delemont fi Franza. 

Dan il-fenomenu qed ikompli jqajjem diskussjoni dwar l-effetti li qed iġġib magħha t-tibdil il-klima

More in Barranin