Aġġornata | L-eks PM Ġappuniż jinqatel b'tiri ta' arma tan-nar waqt diskors

L-eks Prim Ministru Ġappuniż, Shinzo Abe, tilef ħajtu wara li qala' tiri ta' arma tan-nar waqt li kien qed jagħmel diskors f'Nara.

Abe ġie milqut b'żewġ tiri waqt li kien qiegħed jitkellem. Minnufih huwa waqa' mal-art u ntilef minn sensih.

L-aggressur kien arrestat minnufih.

Skont l-informazzjoni, tir minnhom laqat lil Abe f'għonqu u ieħor f'sidru.

Abe kien qed jagħmel diskors waqt attività ta' kampanja elettorali ta' kandidat fil-belt ta' Nara.

Nies li kienu fuq il-post qalu li raw lill-aggressur, li kellu f'idu arma tan-nar kbira, li mar u spara minn wara.