26,000 każ ġdid fl-aħħar 24 siegħa fir-Renju Unit ... imma l-imwiet jibqgħu baxxi

L-akbar numru ta' każi ġodda minn Jannar meta kienu rreġistrati ftit iktar minn 29,000 każ u mietu 1,245 - fl-aħħar 24 siegħa mietu 14

30 ta' Ġunju 2021 17:31
minn Albert Gauci Cunningham

Ir-Renju Unit b'numri għoljin ħafna, mill-ġdid

Il-każi tal-Covid-19 fir-Renju Unit komplew jgħollu rashom b'26,000 każ ġdid illum, l-agħar ġurnata f'termini ta' numri minn Jannar, meta kienu rreġsitrati 29,079 każ.

Dan filwaqt li 14-il persuna tilfet ħajjitha biex it-total ta' vittmi issa tela' għal 128,140.

Minkejja dan kien innutat illi n-numru ta' mwiet issa huwa ħafna inqas minn dak ta' Jannar meta f'ġurnata kienu mietu 1,245 persuna li jissuġġerixxi allura illi r-rabta bejn il-virus u l-imwiet kompliet tiddgħajjef.