Malta fuq il-palk tal-Eurovision hekk kif Aidan jikkompeti fit-tieni semi-finali illejla

Malta se terġa’ tkun fuq il-palk llejla hekk kif Aidan jirrapreżenta lill-Malta fit-tieni semi-finali tal-Eurovision Song Contest.

Il-kantant Malti se jkun qed ikanta fl-14-il post waqt it-tieni semi-finali tal-lejla.

It-tieni semi-finali se jlaqqa’ flimkien diversi pajjiżi li qed jittamaw li jassiguraw post fil-finali tas-Sibt.

Fost il-pajjiżi li Aidan se jkun qed jikkompeti kontrihom hemm il-Bulgarija, l-Ażerbajġan, ir-Rumanija, il-Lussemburgu, iċ-Ċekja, l-Armenja, l-Iżvizzera, Ċipru, il-Latvja, id-Danimarka, l-Awstralja, l-Ukrajna, l-Albanija u n-Norveġja.

It-tensjoni tal-Eurovision bdiet diġà nhar it-Tnejn waqt l-ewwel semi-finali, fejn il-Greċja, il-Finlandja, il-Belġju, l-Iżvezja, il-Moldova, Iżrael, is-Serbja, il-Kroazja, il-Litwanja u l-Polonja kisbu post fil-finali.

Min-naħa l-oħra, il-Portugall, l-Estonja, il-Ġeorġja, San Marino u Montenegro spiċċaw eliminati mill-kompetizzjoni.

Għal Malta, il-Eurovision xi drabi kien storja ta’ suċċessi qrib ħafna tar-rebħa iżda mingħajr qatt ma waslet sal-ewwel post.

L-aqwa riżultat ta’ Malta s’issa jibqa’ t-tieni post ta’ Ira Losco bil-kanzunetta “7th Wonder” fl-2002 u dak ta’ Chiara b’“Angel” fl-2005.

Malta kisbet ukoll żewġ riżultati fit-tielet post — Mary Spiteri b’“Little Child” fl-1992 u Chiara b’“The One That I Love” fl-1998.

Minkejja dawn is-suċċessi, it-trofew tal-Eurovision għadu qatt ma wasal Malta.

Issa, l-attenzjoni kollha se tkun fuq Aidan hekk kif il-pajjiż jerġa’ jittama li jikteb kapitlu ġdid fl-istorja tal-Eurovision.

Se tkun din is-sena li Malta finalment iġġib it-trofew lura d-dar?