ENEMY (konferenza tal-paċi): L-ewwel parti ta’ triloġija b’rabta mal-gwerer fl-Ewropa

Filwaqt li jirrifletti fuq il-post tal-periferiji ġewwa l-Ewropa, u l-possibbiltà li jagħti vuċi lill-komunitajiet lokali, dan l-ispettaklu għandu l-għan li jinterroga l-kunċett tal-paċi fir-rigward tal-kunflitti attwali u tal-passat tal-Ewropa.  

Mélodie Lasselin u Simon Capelle jirrispondu għat-teatru tal-operazzjonijiet tal-kunflitti b’teatru anatomiku li jipprova jdawwar il-magna xokkanti tal-immaġini tal-gwerra.  

Immexxi minn ħidma estensiva fuq il-post fil-Balkani, laqgħa ma’ dawk li ilhom jaħdmu għal tletin sena biex jerġgħu jistabbilixxu r-rabtiet ta’ paċi bejn il-komunitajiet, iżda wkoll laqgħa ma’ suldati Franċiżi u Taljani li intervjenew f’dik li kienet il-Jugoslavja, ENEMY (konferenza tal-paċi) jipproponi triq paradossali; fejn il-korpi jsibu, permezz tan-nifs u l-vuċi, mod kif jikkonfrontaw it-trawmi tal-kunflitt.  

Għall-kapitlu li jmiss u l-aħħar tiegħu, ENEMY (iliads) se jkun qed jiffoka fuq il-konsegwenzi ekoloġiċi tal-gwerra fl-Ewropa, żfin u prestazzjoni li qed tiżviluppa bħalissa dwar il-ħtieġa ontoloġika għal-libertà u s-sbuħija. 

Mélodie Lasselin u Léa Pérat, koreografi u żeffiena tar-rappreżentazzjoni, ħolqu djalogu mal-komunitajiet lokali permezz taż-żfin, li joffru narrattiva ibrida li tħallat it-tradizzjoni mal-futur, il-wirt u l-finzjoni, u jitkellmu favur id-diversità bħala pont bejn il-popli.  

Din l-esebizzjoni qed iseħħ fi Spazju Kreattiv, matul ix-xahar ta' Ġunju sat-23.