Kważi 40,000 vettura li waqfet titħallsilhom il-liċenzja

Jidher illi hemm 39,924 vettura li waqfet titħallsilhom il-liċenzja iżda qatt ma ġew skreppjati jew iggaraxxjati. 

Dil-informazzjoni toħroġ minn mistoqsija parlamentari magħmula mill-Kelliem tal-Oppożizzjoni għat-Trasport u l-Mobbiltà Mark Anthony Sammut lill-Ministru għat-Trasport, l-Infrastruttura u x-Xogħlijiet Pubbliċi Chris Bonett. 

Fil-mistoqsija tiegħu, Sammut staqsa lill-Ministru biex “jgħid kemm hawn karozzi li waqfet titħallsilhom il-liċenzja, imma li qatt ma ġew scrapped (karozzi li qed jinżammu ġewwa mingħajr ma qatt ġew uffiċjalment garaged)”. 

Fit-tweġiba tiegħu, Bonett qal li n-numru ta’ karozzi b’liċenzja skaduta iżda li qatt ma uffiċjalment ġew la skrappjati u la ggaraxxjati huwa ta’ 39,924 vettura.