Ir-riħ u l-mewġ qawwi jkomplu jkiddu lill-500 immigrant li ilhom jiem bejn sema u ilma

Kif kien previst ir-riħ beda jitqawwa mhux biss fuq l-art iżda anke fuq il-baħar. Dan qed jagħmel is-sitwazzjoni abbord iż-żewġ bastimenti mimlija bl-immigranti ħafna aktar diffiċli.

L-NGOs SOS Mediterranee u Open Arms ippubblikaw filmati fuq Twitter tas-sitwazzjoni abbord il-bastimenti, fejn b’kollox hemm 500 immigrant jistennew kenn f’port sigur.

Il-mewġ jidher li qed jitqawwa bil-bastimenti jiċċaqilqu sew. L-NGOs fakkru li l-immigranti ilhom jiem bejn sema u ilma u ħafna minnhom, il-baħar qed jagħmlilhom id-deni.

Bħalissa, il-bastimenti jinsabu bejn il-gżira Taljana ta’ Lampedusa u Malta.

Se la situazione era già difficile a bordo #Openarms, la meteorologia la trasforma in drammatica. Davvero gli stati europei permettono una cosa simile? Come la chiamate questa, se non emergenza umanitaria? Dove siete? #unportosicurosubito pic.twitter.com/pOLtpbH6Pd

— Open Arms IT (@openarms_it) August 14, 2019

Malta u l-Italja qed jirrifjutaw li joffrulhom l-għajnuna u Spanja wkoll ma laqgħetx it-talba tagħhom.

Open Arms għandha fuq il-bastiment tagħha 159 immigrant. Ħafna minnhom kienu salvati fl-1 ta’ Awwissu, filwaqt li 39 oħra ġew salvati viċin Malta.

Il-Gvern Malti kien offra li jdaħħal għandu t-39 immigrant iżda l-NGO rrifjutat għax saħqet li jew kulħadd jew ħadd.

Il-bastiment l-ieħor għandu abbord 356 immigrant.

Skont SOS Mediterranee, ħafna mill-immigranti li għandha abbord il-bastiment tagħha spiċċaw skjavi, ittorturati u anke mixħuta l-ħabs għalxejn qabel ħarbu.

Il-grupp jinkludi wkoll 103 itfal.

UPDATE Weather conditions have deteriorated, with increased swell for the next 24 hours. People on the #OceanViking are suffering from seasickness.

Remaining at sea while people suffer cannot be the solution. People should be disembarked in a place of safety as soon as possible pic.twitter.com/xfEsx1KPAB

— SOS MEDITERRANEE (@SOSMedIntl) August 14, 2019