Il-mewt ta’ Miriam Azzopardi qed tiġi investigata bħala omiċidju

Sorsi qrib l-investigazzjoni qalu li, wara l-awtopsja, il-Pulizija qed tittratta l-mewt tal-mara ta’ 48 sena bħala omiċidju.

23 ta' Settembru 2026 11:35
minn Jaelle Borg

Il-mara ta’ 48 sena li nstabet mejta fi Triq is-Salib tal-Marsa ġiet identifikata bħala Miriam Azzopardi.

Sorsi qrib l-investigazzjoni kkonfermaw li, wara l-awtopsja fuq il-katavru, il-Pulizija qed tittratta l-każ bħala omiċidju.

Il-katavru nstab għall-ħabta tal-10:30am waqt ronda tal-Pulizija fiż-żona, wara li xi persuni resqu lejn l-uffiċjali u infurmawhom bil-preżenza tal-katavru.

Fuq il-post marru numru kbir ta’ uffiċjali tal-Pulizija, timijiet mediċi u esperti forensiċi.

Fost dawk li kienu fuq il-post kien hemm ukoll l-Assistent Kummissarju Keith Arnaud, li jmexxi investigazzjonijiet dwar omiċidji.

Il-Maġistrat tal-Għassa Joe Mifsud fetaħ inkjesta maġisterjali dwar il-każ.

Il-post fejn instab il-katavru huwa l-istess żona fejn fl-2005 kien instab il-katavru ta’ Sion Grech wara l-qtil tagħha.

L-investigazzjonijiet tal-Pulizija għadhom għaddejjin.

Jaelle Borg hija ġurnalista ma' din il-gazzetta kif ukoll ġurnalista tal-qorti u tinsab ...

Il-mewt ta’ Miriam Azzopardi qed tiġi investigata bħala omiċidju

Sorsi qrib l-investigazzjoni qalu li, wara l-awtopsja, il-Pulizija qed tittratta l-mewt tal-mara ta’ 48 sena bħala omiċidju.

Mara tinżamm arrestata wara li allegatament aggrediet pulizija f’argument dwar ħamsters f’ħanut tax-xorb

Ħaddiema jixhdu li beżgħu hekk kif nar tqabbad taħthom fil-każ ta’ John Agius

Pensjonant akkużat li hedded lill-ġara b’arma tan-nar jingħata l-ħelsien mill-arrest

Il-mewt ta’ Miriam Azzopardi qed tiġi investigata bħala omiċidju