Persuna mfittxija fuq ordni tal-Maġistrat

Il-Pulizija qed jitolbu l-għajnuna tal-pubbliku biex jinstab individwu mitlub fuq ordni tal-Maġistrat b’rabta ma’ każ pendenti fil-Qorti. Ir-ritratt tal-persuna tpoġġa fuq il-paġna uffiċjali The Malta Police Force fuq Facebook, bit-tama li xi ħadd jagħti informazzjoni utli.

Kull min jista’ jgħin huwa mitlub jagħmel kuntatt mal-Pulizija permezz ta’ messenger jew iċempel fuq 21 224001, 119, jew iżur l-eqreb għassa. Huwa importanti li jintuża n-numru ta’ referenza 34/2025.