Raġel iweġġa’ serjament f’inċident bejn karozza u mutur fiż-Żurrieq

L-inċident seħħ għall-ħabta tad-9:30 ta’ filgħodu meta mutur u karozza ħabtu fi Triq il-Belt Valletta, iż-Żurrieq - Ix-xufier tal-mutur ittieħed l-Isptar Mater Dei bi ġrieħi serji

9 t'Ottubru 2025 11:45
minn Jaelle Borg

Raġel ta’ 61 sena mill-Imqabba weġġa’ serjament wara ħabta bejn mutur u karozza li seħħet dalgħodu fiż-Żurrieq.

L-inċident seħħ għall-ħabta tad-disgħa u nofs ta’ filgħodu fi Triq il-Belt Valletta, meta seħħet ħabta bejn karozza tat-tip Toyota Aqua, misjuqa minn mara ta’ 67 sena residenti Żurrieq, u mutur tat-tip Piaggio Beverly misjuq mir-raġel.

Fuq il-post issejjaħ tim mediku u ambulanza li ħadet lix-xufier tal-mutur l-Isptar Mater Dei, fejn ġie ċċertifikat li weġġa’ serjament.

Il-Maġistrat Monica Borg Galea LL.D ġiet infurmata bil-każ u ħatret inkjesta dwar l-inċident, filwaqt li l-investigazzjonijiet tal-Pulizija għadhom għaddejjin.

Jaelle Borg hija ġurnalista ma' din il-gazzetta kif ukoll ġurnalista tal-qorti u tinsab ...

Raġel iweġġa’ serjament f’inċident bejn karozza u mutur fiż-Żurrieq

L-inċident seħħ għall-ħabta tad-9:30 ta’ filgħodu meta mutur u karozza ħabtu fi Triq il-Belt Valletta, iż-Żurrieq - Ix-xufier tal-mutur ittieħed l-Isptar Mater Dei bi ġrieħi serji

It-tieni ġimgħa tal-ġuri ta’ Yorgen Fenech

'MEXXI'

Sid ta’ restorant estradit mill-Italja wara allegazzjonijiet li evada iżjed minn €2 miljun f’taxxa

Mara tweġġa' serjament wara li karozza spiċċat f'għalqa f'Binġemma