Inċident tat-traffiku fil-Qala Għawdex

Dalgħodu, għall-ħabta tal-ħamsa u nofs ta’ filgħodu (0530hrs), il-Pulizija ġiet infurmata b’inċident tat-traffiku fi Triq l-Imġarr, fil-Qala, Għawdex.

Skont stħarriġ preliminari, l-inċident involva ħabta bejn Kia Picanto misjuqa minn mara ta’ 53 sena residenti l-Qala u mutur Honda NSC misjuq minn raġel ta’ 47 sena residenti n-Nadur.

Fuq il-post wasal tim mediku, u l-ambulanza ħadet lis-sewwieq tal-mutur l-Isptar Ġenerali ta’ Għawdex. Aktar tard, ġie ċċertifikat li sofra ġrieħi gravi.

L-investigazzjonijiet tal-Pulizija għadhom għaddejjin biex jiddeterminaw il-kawża tal-inċident.