Mara arrestata b'rabta ma' traffikar ta’ kokaina u eroina

Il-Pulizija arrestat mara ta’ 47 sena wara li instabu 60 kapsula ta’ kokaina u 15 oħra ta’ eroina fl-appartament tagħha f’San Pawl il-Baħar, b’valur tas-suq ta’ madwar €20,000.

14 t'Awwissu 2025 11:12
minn Jaelle Borg

Il-Pulizija arrestat mara ta’ 47 sena minn San Pawl il-Baħar wara operazzjoni ta’ sorveljanza relatata mat-traffikar ta’ kokaina u eroina.

Skont stqarrija tal-Pulizija, l-iskwadra tad-droga wettqet sorveljanza fuq l-appartament tagħha fit-Triq id-Denfil u wriet suspett ta’ attività kriminali. Wara raid fl-appartament, instabu 60 kapsula b’sustanza suspettata li kienet kokaina, u 15 kapsula oħra b’sustanza suspettata li kienet eroina. Il-valur tas-suq tagħhom qed jiġi stmat madwar €20,000.

Il-mara qed tinżamm fil-Lockup tal-Furjana u se tiġi mressqa l-qorti llum fin-12:30pm quddiem il-Maġistrat tas-Servizz, Ann Marie Thake.

Jaelle Borg hija studenta fit-tieni sena tal-kriminoloġija

Mara arrestata b'rabta ma' traffikar ta’ kokaina u eroina

Il-Pulizija arrestat mara ta’ 47 sena wara li instabu 60 kapsula ta’ kokaina u 15 oħra ta’ eroina fl-appartament tagħha f’San Pawl il-Baħar, b’valur tas-suq ta’ madwar €20,000.

Żewġt irġiel miċħuda l-ħelsien mill-arrest fuq attentat ta’ qtil

Raġel arrestat fuq suspett ta’ kuntrabandu ta’ kważi 2,700 għasfur protett minn Sqallija

Mara arrestata b'rabta ma' traffikar ta’ kokaina u eroina

Raġel ta’ 21 sena fil-periklu tal-mewt wara ħabta bil-mutur f’Pembroke