Il-Qorti fetħet il-kawża kriminali kontra Carmelo Ciantar, magħruf bħala ‘Id-Durga’, li qed jiġi akkużat bil-qtil doppju ta’ Dennis Mifsud u Anthony Agius, flimkien ma’ akkużi ta’ serq armi u serq ta’ arma tan-nar.
Ciantar, ta’ 72 sena wieġeb mhux ħati għall-akkużi kollha li ġew imressqa kontrih.
L-Ispettur Kurt Colombo Zahra infurma lill-Qorti li l-vittmi ġew misjuba mejtin f’għalqa. Dennis Mifsud nstab b’tir ta’ arma tan-nar f’rasu, filwaqt li Anthony Agius kellu diversi feriti fit-torso u f’għonqu, bil-kelb ħdejh.
Il-Qorti semgħat ukoll kif Ciantar ċempel lil bint Agius biex jgħidila li kien qatel lil missierha. Il-pulizija ħejjew tfittxija isibu lil Ciantar, u dan baqa' jgħidilhom li mhux ħa jilħqu jsibuh ħaj.
Fil-fatt, meta ċempel l-aħħar darba lill-pulizija, qalilhom li kien fil-PAMA wara li kien għadu kif jiekol f’KFC. Fl-aħħar ġie arrestat u fil-karrozza nstab senter.
Il-validità tal-arrest ma ġietx sfidata mill-avukati tal-ġustizzja.
Ma ntalabx garanzija għall-ħelsien mill-arrest u l-avukat difensur Francesca Zarb talbet li Ciantar jibqa’ fil-unità forensika, talba li l-Qorti rakkomandat li tingħata konsiderazzjoni.
Il-Qorti ħarġet ordni ta’ protezzjoni favur il-familji tal-vittmi.
Fil-Qorti, il-Prosekuzzjoni kienet rappreżentata mill-Avukat Ġenerali Anthony Vella flimkien mal-Ispetturi Kurt Colombo Zahra, Wayne Camilleri u Cheyenne Mangion, filwaqt li l-avukat difensur kien Francesco Zarb. L-avukati Nicholas u Mario Mifsud dehru bħala parte civile.
.jpg)
.png)
