Aktar kmieni llum, raġel ta’ 67 sena residenti Ħaż-Żebbuġ tilef ħajtu f’inċident li seħħ fiż-Żona Industrijali fil-limiti ta’ Ħal Far.
Kien għall-ħabta tas-7:30 ta’ filgħodu meta l-Pulizija ġew infurmati li persuna tinsab feruta wara li ntlaqtet minn vettura. Minnufih marru fuq il-post u minn stħarriġ preliminari rriżulta li trakk tal-għamla MAN, li kien qed jintuża mill-vittma, għal xi raġuni mexa waħdu 'l quddiem, u b’konsegwenza ta’ dan ir-raġel inqabed bejn dak il-vettura u trakk ieħor li kien ipparkjat.
Fuq il-post issejjaħ tim mediku minn Mater Dei, iżda minkejja l-isforzi tagħhom, ir-raġel ġie ċċertifikat mejjet fuq il-post.
Il-Maġistrat inkwerenti Dr Joe Mifsud LL.D ġie infurmat u ħatar diversi esperti sabiex jassistu fl-inkjesta
