Mara ta' 22 sena weġġgħet gravi hekk kif kienet involuta f'inċident tat-traffiku nhar l-Erbgħa filgħaxija.
L-inċident seħħ fi Triq Reġjonali, Santa Venera, fejn seħħet ħabta bejn il-mara, li kienet qed issuq il-mutur Honda tagħha, u tfajla ta' 19-il sena li kienet qed issuq karozza Vitz.
Fuq il-post issejjaħ tim mediku biex jgħin lill-mara midruba u biex jeħduha l-Isptar Mater Dei. Meta waslet l-isptar, ġiet iċċertifikata bħala mweġġa' serjament.
L-investigazzjonijiet tal-pulizija fuq il-każ għadhom għaddejjin.
