Iweġġa' serjament wara li jingidem mill-kelb tiegħu

Raġel spiċċa weġġa' gravi fi Triq il-Frejgatina, San Pawl il-Baħar hekk kif ipprova jferraq żewġt iklieb tiegħu li għal xi raġuni għamlu għal xulxin.

Il-kelb li ħebb għal sidu ħarab minn fuq il-post wara l-attakk, fejn il-pulizija mbagħad segwewh biex jiżguraw li ma jattakkax lil xi ħaddieħor.

Minħabba li l-kelb tqies bħala perikoluż, il-pulizija ma kellhom l-ebda għażla oħra ħlief li jisparaw fuqu.

Fuq il-post issejħu tim mediku biex jieħdu lir-raġel l-Isptar Mater Dei għall-ġrieħi li ġarrab kif ukoll id-Direttorat tal-Ħarsien tal-Annimali.

L-investigazzjonijiet tal-Pulizija dwar dan l-inċident għadhom għaddejjin.