Iweġġa' gravi sewwieq f'ħabta f'Birżebbuġa

Raġel ta' 41 sena li joqgħod il-Gudja weġġa' serjament f'inċident tat-traffiku li seħħ fi Triq Birżebbuġa, Birżebbuġa.

L-inċident seħħ għall-ħabta tas-sitta neqsin kwart il-Ħadd filgħaxija fejn issejħu l-pulizija fuq il-post. Mill-istħarriġ tagħhom ħareġ illi kien hemm ħabta bejn Smart, misjuqa mir-raġel, u Toyota Passo misjuqa minn mara ta' 36 sena li toqgħod Ħaż-Żabbar.

Ir-raġel ittieħed l-isptar minn ambulanza wara li ssejjaħ fuq il-post tim mediku. Waqt li kien qed jingħata l-kura, ir-raġel ġie ċċertifikat li weġġa' gravi.

Il-pulizija għadha qed tinvestiga l-inċident.