Raġel iweġġa’ gravi wara li ntlaqat minn vettura

Raġel ta’ 57 sena residenti Ħal Balzan, għall-ħabta tal-għaxra ta’ filgħodu, ittieħed l-Isptar Mater Dei wara li weġġa’ f’inċident tat-traffiku fi Triq in-Naxxar, Birkirkara.

Minn stħarriġ preliminari rriżulta li r-raġel intlaqat minn vettura, li kienet qed tinstaq minn mara ta’ 52 sena residenti n-Naxxar.

Huwa ngħata l-għajnuna minn tim mediku, ittieħed l-isptar b’ambulanza u ġie ċċertifikat li sofra ġrieħi gravi.

L-investigazzjonijiet mill-Pulizija għadhom għaddejjin.