Missier ta' sebat itfal jammetti li kien jibgħat lil uliedu jisirqu l-ġugarelli

Missier ta' sebat itfal tpoġġa fuq probation wara li ammetta li kien jibgħat ħamsa, minn uliedu, kollha kemm huma taħt l-età biex jisirqu.

Ir-raġel, li għandu 38 sena, tressaq akkużat li kien qed juża lil uliedu, li għandhom ħamsa, tmienja, disgħa u ħdax-il sena biex jisirqu ġugarelli minn ħanut.

Ir-raġel ma jaħdimx.

Fil-Qorti, l-Ispettur Matthew Grech spjega kif ir-raġel kien jagħti struzzjonijiet lil uliedu biex jisirqu numri ta' oġġetti, fosthom ġugarelli u anke tagħmir elettroniku minn ħanut.

Kien akkużat ukoll li ma kienx qed jagħti biżżejjed attenzjoni u kura lil uliedu.

Huwa wieġeb ħati tal-akkużi u tpoġġa fuq probation għal tliet snin.

Il-Maġistrat Charmaine Galea ħatret ukoll ħaddiema soċjali biex isegwu dan il-każ.