(AĠĠORNAT) Jirriżenja Paul Pace u Marija Cutajar il-president il-ġdid
Colin Galea ġie maħtur bħala Segretarju Ġenerali filwaqt li Noel Camilleri ġie maħtur Viċi President u George Saliba Segretarju Finanzjarju.
Maria Cutajar hi l-president il-ġdid meta ġabet 1,200 vot, it-tieni l-aktar li ġabet voti wara s-segretarju Ġenerali Colin galea li kien l-aktar li ġab voti, 1,400.
Dan kollu wassal biex Paul Pace li kien ilu 9 snin fit-tmun tal-Unjin tal-Infermiera u Qwiebel irriżenja minn President tal-MUMN u anke mill-FORUM. Pace irriżenja wara li ġab madwar 800 vot fl-elezzjoni tal-kunsill tal-istess unjin.
Hu mifhum li bil-voti li ġab, Paul Pace spiċċa fit-8 post u dna kien ifisser vot ta' sfiduċja fih.
Pace irringrazzja lill-infermiera u qwiebel għas-s-sostenn li tawh matul l-aħħar 9 snin iżda għaraf li tilef l-appoġġ tal-maġġoranza bil-vot li ġab u għalhekk kien qed iwarrab.
