Sabiex jitfakkar il-Jum Internazzjonali tan-Nisa, illi se jiġi mfakkar nhar il-Ħadd, tħejjiet dimostrazzjoni minn għaqdiet non-governattivi u bosta attivisti lokali bl-għan illi jiġu ċċelebrati l-kisbiet tan-nisa.
L-islogan ta’ din is-sena, ‘Jum in-Nisa Kuljum’, jenfasizza t-taqbid kontinwu ta’ kuljum illi n-nisa jibqgħu jiltaqgħu miegħu fis-soċjetà. Dan ġie iddikjarat minn koalizzjoni ta’ organizzazzjonijiet immexxija mill-Moviment Graffiti.
Id-dimostrazzjoni se jgħaddi mill-Belt Valletta nhar il-Ħadd, 8 ta’ Marzu, u jgħaqqad flimkien lin-nisa, persuni trans u mhux binarji u attivisti alleati magħhom sabiex jitfakkar il-Jum Internazzjonali tan-Nisa.
“Jum in-Nisa mhuwiex dwar ċikkulati u fjuri. L-ewwel marċ tan-nisa fl-1909 nibet mill-moviment tax-xogħol, bin-nisa jitolbu sigħat tax-xogħol umani, paga aħjar u d-dritt tal-vot,” qalu l-organizzaturi.
Id-dimostrazzjoni se jibda minn fejn il-Funtana tat-Tritoni fit-3pm, u imbagħad jintemm fi Pjazza San Ġorġ, fejn gruppi ta’ ġustizzja soċjali se jagħmlu diversi diskorsi. Se jkun hemm ukoll is-sehem ta' artisti matul id-dimostrazzjoni.
L-avveniment huwa organizzat mill-Moviment Graffiti u appoġġjat minn aktar minn tużżana organizzazzjoni differenti.
It-tema ta’ din is-sena tiġi f’nofs inugwaljanza persistenti. Waħda minn kull tliet nisa fl-Unjoni Ewropea esperjenzat vjolenza fiżika jew sesswali, u Malta mhijiex eċċezzjoni.
L-organizzaturi indikaw irġiel vjolenti li nħelsu fuq pleġġ minħabba teknikalitajiet proċedurali fil-qrati, u nisa li ġew akkużati b'abort wara li ġew irrappurtati minn imsieħba abbużivi jew professjonisti tal-kura tas-saħħa, bħala eżempji kontinwi ta' inġustizzja patrijarkali.
Filwaqt li s-sena li għaddiet ma rat l-ebda vittma ġdida ta' femiċidju f'Malta, il-ħafna kommemorazzjonijiet ta' nisa maqtula jservu bħala tfakkira kostanti tal-prezz li n-nisa jkomplu jħallsu.
Id-dikjarazzjoni ġibdet ukoll l-attenzjoni lejn in-nisa lil hinn mix-xtut ta' Malta, partikolarment fl-Iran, il-Palestina, l-Afganistan u s-Sudan, li qegħdin ikomplu jiġġieldu għad-drittijiet tagħhom f'nofs il-kunflitti li għaddejjin f'dawn il-pajjiżi. L-organizzaturi rreferew ukoll għal dak huma ddeskrivew bħala potenzi esterni li jużaw stqarrijiet ta' liberazzjoni femminista biex javvanzaw ideoloġiji kolonjali.
"Ejjew nimxu flimkien biex neħilsu lilna nfusna mill-ktajjen tal-patrijarkat," sostnew l-organizzaturi. "Ejjew niġġieldu għal ħutna mejtin, f'Malta u madwar id-dinja. Ejjew inħossu r-rabja kollettiva u niġu ispirati minnha."
L-organizzazzjonijiet li qegħdin jappoġġjaw id-dimostrazzjoni jinkludu aditus foundation, Dance Beyond Borders, id-Dipartiment tal-Ġeneru u s-Sesswalità tal-Università ta’ Malta, Doctors for Choice, Humanists Malta, Malta Gay Rights Movement, Malta Women's Lobby, Men Against Violence, Migrant Women Association Malta, IVY, JC Diversity Committee, SOS Malta, Women Elevation Malta, Women for Women, Women's Rights Foundation, Young Progressive Beings, u Żminijietna Malta.
