Mara ta' 70 sena tilfet ħajjitha wara li ddaħħlet l-isptar bi ġrieħi serji wara inċident tat-traffiku li seħħ fl-Imġarr nhar it-Tnejn filgħodu.
L-inċident seħħ nhar it-Tnejn għall-ħabta tad-9.30am fi Triq iż-Żebbiegħ. L-ewwel investigazzjonijiet tal-pulizija juru li l-anzjana ntlaqtet minn Ford Transit misjuqa minn mara ta’ 39 sena.
Il-vittma ngħatat l-għajnuna minn tim mediku fuq il-post qabel ma ttieħdet l-Isptar Mater Dei b’ambulanza, fejn aktar tard ġiet iċċertifikata li sofriet minn ġrieħi serji.
Aktar tard nhar l-Erbgħa filgħodu, il-pulizija ħarġet stqarrija fejn inqtal illi l-vittma mietet fl-isptar.
Il-Maġistrat Franco Agius fetaħ inkjesta dwar il-każ, filwaqt illi l-investigazzjonijiet tal-pulizija dwar l-inċident għadhom għaddejjin.
.png)
