L-ambaxxata Maltija fl-Emirati Għarab Magħquda ħeġġet liċ-ċittadini Maltin li jgħixu u jivvjaġġaw fil-pajjiż biex joqogħdu attenti fid-dawl tal-attakki bil-missili madwar il-Lvant Nofsani.
Is-Sibt filgħodu, Iżrael u l-Istati Uniti nedew attakki fuq l-Iran ftit qabel ma l-President tal-Istati Uniti Donald Trump iddikjara gwerra fuq l-istat. L-Iran wieġeb b'attakki bil-missili madwar il-Ilvant Nofsani kollu, immirati lejn Iżrael u bażijiet militari tal-Istati Uniti fir-reġjun.
F'post fuq Facebook, l-ambaxxata Maltija fl-Emirati Għarab Magħquda qalet li "Hemm riskju ferm akbar ta' tensjoni reġjonali fir-reġjun immedjat tal-Golf," u twissi li tfixkil fl-ivvjaġġar u "impatti mhux previsti" jistgħu jkunu imminenti.
"Bħala prekawzjoni, iċ-ċittadini Maltin li jgħixu fl-Emirati Għarab Magħquda huma avżati biex jikkunsidraw li jistkennu fil-post sakemm jingħata avviż ieħor."
L-ambaxxata ħeġġet liċ-ċittadini Maltin sabiex iżommu provvista ta' ikel, ilma, u oġġetti essenzjali oħra, filwaqt li jimmonitorjaw sorsi ta' aħbarijiet fdati.
Iċ-ċittadini Maltin huma mwissija sabiex iżommu profil baxx u jżommu l-pjanijiet tal-ivvjaġġar tagħhom taħt reviżjoni.
.png)
