Raġel ferut gravi wara inċident f'Tal-Balal

Raġel jinsab f'qagħda kritika wara li ħabat bil-karozza tiegħu f'inċident li seħħ għall-ħabta tat-3am fi Triq tal-Balal.

Ir-raġel ta' 39 sena minn San Ġwann kien qed isuq Volkswagen Polo meta tilef il-kontroll tal-vettura u ħabat ma' karozza pparkjata.

Immedjatament fuq il-post wasal tim mediku u x-xufier ittieħed l-Isptar Mater Dei b'ambulanza.

It-tobba qalu li x-xufier weġġa' serjament fl-inċident.

L-investigazzjonijiet tal-pulizija dwar il-każ għadhom għaddejjin.