Isofri ġrieħi serji wara li waqa' madwar sular għoli

Is-Sibt 9 ta’ Settembru, għall-ħabta ta’ 1 p.m, intalbet l-għajnuna tal-pulizija f’għalqa fl-inħawi ta’ Triq Wied iż-Żurrieq, il-Qrendi.

Meta marru fuq il-post, irriżulta li raġel ta’ 37 sena waqa’ għoli ta’ madwar sular waqt li kien qed jagħmel xogħlijiet fuq saqaf ta’ kamra.

Hu ingħata l-ewwel għajnuna u ttieħed l-Isptar Mater Dei, fejn ġie ċċertifikat li qed isofri minn ġrieħi serji.

Il-Maġistrat tal-Għassa Dr. Joe Mifsud LL.D. ħatar inkjesta b’rabta mal-każ, filwaqt li l[1]investigazzjonijiet tal-Pulizija għadhom għaddejjin.