Mara tweġġa' gravi wara li titajjar minn karozza fil-Fgura

Illum, għall-ħabta tat-8:20 a.m il-Pulizija ġiet infurmata b’inċident tat-traffiku fi Triq Pace u Grasso, il-Fgura.

Il-Pulizija marret minnufih fuq il-post u minn stħarriġ preliminari li sar irriżulta li mara ta’ 75 sena residenti l-Fgura sofriet xi ġrieħi meta ntlaqtet minn Ford Transit Connect misjuq minn raġel ta’ 28 sena residenti x-Xgħajra.

Fuq il-post issejjaħ tim mediku sabiex jassisti, u ambulanza ħadet lill-mara l-Isptar Mater Dei għall-kura meħtieġa.

Aktar tard, hija ġiet iċċertifikata li weġġgħet gravi. L-investigazzjonijiet tal-Pulizija għadhom għaddejjin.