Matul il-lejl li għadda l-Awtorità tal-Ippjanar (PA) neħħiet 20 billboard illegali minn numru ta' toroq ewlenin madwar Malta. B'kollaborazzjoni ma' Transport Malta (TM), l-operazzjoni kienet tinkludi mhux biss it-tneħħija ta' billboards li ma kellhomx permess ta' żvilupp iżda wkoll dawk li naqsu milli jonoraw l-obbligu tagħhom li jġeddu l-liċenzja annwali tagħhom ma' TM.
L-Awtorità bdiet topera f'żewġ toroq ewlenin li huma Triq Aldo Moro, Triq Guiseppe Garibaldi u Triq Diċembru Tlettax fil-Marsa.
Uffiċjali mid-Direttorat tal-infurzar fi ħdan l-Awtorità tal-Ippjanar ikkordinaw l-operazzjoni saret tard filgħaxija biex tikkawża l-inqas tfixkil u inkonvenjent lis-sewwieqa. Aktar azzjoni se tittieħed fil-jiem li ġejjin.
L-operazzjoni saret biex ikunu aktar siguri t-toroq tagħna u tiggarantixxi kundizzjonijiet ġusti għall-operaturi tar-reklamar.
It-tneħħija ta' dawn il-billboards qed isir a spejjeż ta' min wettaq l-illegalità.
