Żagħżugħ iweġġa' gravi wara li waqa' f'sit ta' kostruzzjoni matul il-lejl

Żagħżugħ ta' 22 sena weġġa' wara li waqa' madwar żewġ metri f’sit ta’ kostruzzjoni.

Il-każ seħħ matul il-lejl li għadda għall-ħabta għall-ħabta tat-tlieta u nofs ta’ filgħodu.

Is-sit ta' kostruzzjoni jinsab fi Triq It-Trundiera, limiti ta’ Baħar iċ-Ċagħaq.

Fuq il-post issejħu wkoll il-membri tal-Protezzjoni Ċivili u tim mediku mill-Isptar Mater Dei. Aktar tard, huwa ġie ċċertifikat li weġġa’ gravi.

L-investigazzjonijiet tal-Pulizija għadhom għaddejjin.