Ritratti | Żagħżugħa titlef ħajjitha wara li ttajret f’Telgħet ix-Xemxija
Hija ttajret minn vettura li wara baqgħet dieħla f'erba' karozzi pparkjati
minn Yendrick Cioffi
Żagħżugħa ta' 30 sena tilfet ħajjitha wara li ttajret f’Telgħet ix-Xemxija.
L-inċident seħħ għall-ħabta tat-8:00pm.
Mill-ewwel stħarriġ irriżulta li Tuneżina ta’ 30 sena intlaqtet minn veettura misjuqa minn raġel ta’ 42 sena residenti l-Mellieħa.
Din il-karozza mbagħad ħabtet f’erba’ vetturi li kienu pparkjati.
Fuq il-post issejjaħ tim mediku u membri mid-Dipartiment tal-Protezzjoni Ċivili biex jassistu iżda sfortunatament il-mara kienet iċċertifikata mejta fuq il-post.
Raġel Tuneżin li kien mal-vittma kif ukoll ix-xufier tal-Mercedes ittieħdu permezz t’ambulanza l-Isptar Mater Dei biex jingħataw l-kura meħtieġa. Aktar tard, huma ġew iċċertifikati bi ġrieħi ħfief.
Bil-każ ġiet infurmata l-Maġistrat tal-Għassa li ordnat li ssir inkjesta u ħatret diversi esperti sabiex jassistu.
.jpeg)
