Mietet il-mara ta’ 32 sena li ħmistax ilu kienet involuta f’inċident tat-traffiku flimkien ma’ raġel ta’ 40 sena fi Triq l- Imdina, Ħaż Żebbuġ.
Il-mara kienet passiġġiera fuq mutur misjuqa minn raġel ta’ 40 sena residenti r-Rabat.
Huma ħabtu ma' vettura misjuqa minn raġel ta’ 49 sena residenti Ħaż-Żabbar
Is-sewwieq tal-mutur sofra biss ġrieħi ħfief iżda l-mara mill-ewwel kienet iċċertifkata li qed issofri minn ġrieħi serji.
Bil-każ ġie infurmat il-Magistrat tal-Għassa Dr. Martin Farrugia LLD. li ordna li ssir inkjesta u ħatar diversi esperti biex jassistuh.
L-investigazzjonijiet tal-Pulizija għadhom għaddejjin.