Sentenza sospiża għal raġel li daħal f'żona ristretta fl-Ajruport

Raġel ta’ 27 sena mill-Ġorġja ġie kkundannat sentejn ħabs sospiżi għal erba’ snin wara li daħal f'żona ristretta fl-Ajruport Internazzjonali ta' Malta mingħajr permess.

Ir-raġel kien ġie arrestat mill-pulizija fit-3 ta' Lulju fis-2:00 a.m.

 Illum fil-Qorti huwa qal li daħal f'din iż-żona minħabba mara li kien għadu kif jittanta. Skontu huwa baqa' miexi warajha minħabba l-ġibdiet li kellu. 

Assistit mill-avukat Charmaine Cherret bħala għajnuna legali, ir-raġel ammetta li kien ħati.

Fid-dawl ta' dan, il-Qorti sabet lir-raġel ħati u kkundanatu għal sentejn ħabs sospiżi għal erba’ snin.