Ritratti | Jinqatlu żewġ ċikonji oħra; Minn 18-il ċikonja baqa' biss seba'

Ilbieraħ inqatlu żewġ Ċikonju Bojod oħra wara li l-ġimgħa li għaddiet inqatlu erba' ċikonji oħra.

Dan ifissier li minn 18-il ċikonja li waslet Malta nhar il-Ġimgħa li għadda, in-numru niżel għal 7. Skont BirdLife Malta, uħud minnhom intilfu minħabba l-kaċċa illegali.

Jidher li dawn iż-żewġ ċikonji bojod inġabru mill-inħawi tal-Magħtab ilbieraħ filgħaxija. 

.@MaltaGov will not tolerate hunting illegalities | Informed that the alleged shooter is apprehended by @MaltaPolice | Confident #justice will prevail against these few - CC @BirdLife_Malta @FKNKMALTA

— Clint Camilleri (@Clint_Camilleri) 15 August 2018

Minkejja li dawn ittieħdu mill-ewwel għand veterinarju, iż-żewġ ċikonju mietu ftit tal-ħin wara, bil-veterinarju jikkonferma li dawn intlaqtu minn tiri.

Intant, fuq Twitter, is-Segretarju Parlamentari għall-Biedja, is-Sajd u d-Drittijiet tal-Annimali qal li l-kaċċattur inqabad u insista li l-Gvern mhux se jittollera l-ebda illegalità.