Anzjan ta’ 70 sena mill-Gudja sofra ġrieħi gravi wara li waqa’ meta kien qed jagħmel xi xogħlijiet.
Il-każ seħħ dalgħodu għall-ħabta tad-9 fi Triq Karlu Maratta f’Ħal Tarxien.
Mill-istħarriġ preliminari jirriżulta li r-raġel kien qed jagħmel xogħol fuq il-bejt ta’ washroom meta waqa’ u ġie fuq il-bejt tar-residenza.
Fuq il-post issejħet l-assistenza tal-Pulizija, membri tal-Protezzjoni Ċivili kif ukoll tim mediku b’ambulanza li ħadu lill-anzjan l-isptar Mater Dei għall-kura.
L-investigazzjonijiet tal-Pulizija għadhom għaddejjin.