Sirjan ta’ 23 sena li huwa residenti Ħal Tarxien ġarrab ġrieħi serji wara li waqa’ mill-għoli.
L-inċident seħħ għall-ħabta tal-10 ta’ filgħodu, f’sit tal-kostruzzjoni fi Triq is-Sewwieqa fil-Ħamrun.
Mill-istħarriġ preliminari tal-Pulizija rriżulta li s-Sirjan waqa’ għoli ta’ madwar erba’ sulari meta kien qed jagħmel xogħlijiet.
Fuq il-post issejħet għall-assistenza tal-Pulizija kif ukoll tim mediku li ħadu liż-żagħżugħ b’ambulanza l-isptar Mater Dei għall-kura.
Bil-każ ġie infurmat il-Maġistrat tal-Għassa Francesco Depasquale li ħatar numru ta’ esperti biex jassistuh fl-inkjesta li ħatar.
L-investigazzjonijiet tal-Pulizija dwar dan l-inċident għadhom għaddejjin.
