Bulgaru ta' 50 sena kellu jittieħed l-isptar Mater Dei għall-kura
Dalgħodu għall-ħabta tal-11.15, Bulgaru ta’ 50 sena spiċċa weġġa’ gravi wara li kien qed jagħmel xogħlijiet fi Triq Tal-Ibraġġ fis-Swieqi.
Huwa weġġa’ wara li waqgħu ċangaturi fuqu.
Fuq il-post waslu l-Pulizija u tim mediku b’ambulanza li ħadu lir-raġel l-isptar għall-kura.
L-investigazzjonijiet tal-Pulizija dwar dan l-inċident għadhom għaddejjin.
