L-ajruplan tal-linja tal-ajru Afriqiyah Airlines li ġie maħtuf u mġiegħel ibiddel ir-rotta lejn Malta, waqt titjira li kellha tkun waħda domestika bejn Sebha u Tripli fil-Libja, kellha fuqha 111-il passiġġier, inkluż tarbija.
Dan ikkonfermah il-Prim Ministru Joseph Muscat fi tweet fejn qal li abbord l-ajruplan kien hemm 82 raġel, 28 mara u tarbija. Dan minbarra n-numru tal-ekwipaġġ abbord.
It-titjira li kellha tieħu madwar siegħa u għaxar minuti kellha tasal fil-belt kapitali Libjana Tripli fil-11.20, iżda minflok, żewġ persuni li kienu abbord, li apparentament huma armati bil-grenades, heddu li kienu se jisplodu l-ajruplan jekk dan ma jiddevjax triqtu, u għalhekk niżel f'Malta.
Bħalissa, il-Prim Ministru Joseph Muscat jinsab f'Kastilja f'laqgħat mal-Kumitat tas-Sigurtà sabiex tiġi kkordinata l-operazzjoni.
Aqra iktar hawnhekk.
Aktar tagħrif dalwaqt...
