Taljan iweġġa’ f’inċident b’mutur

Għall-ħabta tal-10:30 ta’ dalgħodu, raġel Taljan ta’ 49 sena, residenti San Pawl il-Baħar, li kien qed isuq mutur Piaggio intlaqat  minn vettura ta’ l-għamla Citroen, misjuqa minn raġel ta’ 47 sena residenti n-Naxxar.

Il-Pulizija mid-distrett ta’ Ħal Qormi marru minnufih fuq il-post flimkien ma’ ambulanza. Ix-xufier tal-mutur ittieħed l-isptar Mater Dei għall-assistenza medika, fejn wara xi hin, ġie stabilit li qed isofri minn ġrieħi gravi.

L-investigazzjonijiet tal-Pulizija għadhom għaddejjin.