Ilbieraħ, għall-ħabta tas-18:00, seħħ inċident fi Triq Ħal Luqa, Ħal Qormi, fejn mutur misjuq minn ġuvni ta’ 22 sena mill-Imġarr, ħabat ma’ karozza misjuqa minn ġuvni ta’ 24 sena, mill-Qrendi.
Il-Pulizija mill-Għassa ta’ Ħal Qormi marru minnufih fuq il-post flimkien ma ambulanza li ħadet lis-sewwieq tal-mutur l-Isptar Mater Dei għall-kura medika. Aktar tard huwa ġie ċċertifikat li qiegħed isofri minn ġrieħi ta’ natura gravi.
L-investigazzjonijiet tal-Pulizija għadhom għaddejjin.
