Sewwieq ta' mutur iweġġa gravi f'ħabta ma' karozza

Għall-ħabta tas-13:15 ta’ wara nofsinhar, seħħet ħabta bejn mutur tat-tip Honda Shadow u karozza tat-tip Citroen C1 fi Triq Antonio Bosio, l-Imsida.

Is-sewwieq tal-mutur, raġel ta’ 44 sena mill-Imsida ġarrab ġrieħi gravi u għaldaqstant ittieħed l-Isptar Mater Dei għall-kura.  Iktar tard huwa ġie ċċertifikat li qiegħed isofri minn ġrieħi gravi.

Il-persuna li kienet qegħda ssuq il-karozza, raġel Taljan ta’ 31 sena residenti Tas-Sliema, ma sofra ebda ġrieħi.

Il-Pulizija tad-Distrett, li minnufih marret fuq il-post tal-inċident, qed jinvestigaw il-każ.