Raġel fil-periklu tal-mewt wara li ttajjar minn karozza

Għall-ħabta tas-07:10 ta’ dalgħodu, raġel ta’ 50 sena, residenti Wied il-Għajn ittajjar minn vettura tat-tip Mazda Demio, misjuqa minn ġuvni ta’ 19-il sena, residenti Birkirkara, fi Vjal Santa Luċija, Raħal Ġdid, faċċata taċ-ċimiterju tal-Addolorata.

Fuq il-post minnufiħ issejħu l-Pulizija, flimkien ma’ ambulanza li ħadet lir-raġel l-Isptar Mater Dei sabiex jingħata l-kura meħtieġa.

Aktar tard huwa ġie ċċertifikat li jinsab fil-periklu tal-mewt.

L-investigazzjonijiet tal-Pulizija mill-għassa ta’ Raħal Ġdid għadhom għaddejjin.