Jitlef il-kontroll tal-vettura u jaħbat f’ħajt...

Kmieni dalgħodu għall-ħabta tal-03:50, il-Pulizija ġiet infurmata li kien għadu kemm seħħ inċident stradali fi Triq Burmarrad, Burmarrad, fejn jidher li sewwieq ta’ vettura tat-tip Toyota Land Cruiser għal xi raġuni tilef il-kontroll tal-4x4 tiegħu, kellu impatt ma’ vettura oħra li kienet ipparkjata u sussegwentement ħabat ma’ ħajt.

Is-sewwieq li għandu 44 sena u joqghod San Pawl il-Baħar ittieħed l-Isptar Mater Dei għall-kura permezz ta’ ambulanza fejn iktar tard ġie ċċertifikat li qiegħed isfori minn ġrieħi ta’ natura gravi iżda mhux fil-periklu tal-mewt.

L-investigazzjonijiet tal-Pulizija dwar dan l-inċident għadhom għaddejjin.