Ġuvni jindarab gravi wara li ntlaqat minn karozza

Kmieni dalgħodu, għall-ħabta tat-03:30, ġuvni Taljan ta’ 18-il sena intlaqat minn vettura tat-tip Opel Corsa, misjuqa minn raġel ta’ 41 sena, residenti l-Kalkara.

Il-Pulizija mill-Għassa ta’ San Ġiljan marru minnufih fi Triq Ġorġ Borg Olivier, San Ġiljan, fejn seħħ l-inċident, fejn millewwel issejħet ambulanza li ħadet lit-Taljan l-Isptar Mater Dei għall-kura. 

Iktar tard huwa ġie ċċertifikat li qiegħed isofri minn ġrieħi ta’ natura gravi iżda mhux fil-periklu tal-mewt.

L-investigazzjonijiet tal-Pulizija għadhom għaddejjin.