Terrimot fil-Grigal tal-Indja jħalli ħamsa mejta

Terrimot li jlaħħaq is-saħħa ta’ 6.7 fil-Grigal tal-Indja, ħalla minn tal-inqas ħames persuni mejta.

Rapporti internazzjonali qed jirrapurtaw li t-terrimot, li nħass għall-ħabta tal-4:30am ħin lokali, seħħ fil-fruntiera mal-Myanmar u Bangladesh, qrib il-kapitali tal-istat ta’ Manipur.

B’kawża tat-terrimot kien hemm bini ta’ sitt sulari, li kien ghadu kif inbena, li ġġarraff kompletament.

In-numru ta’ persuni mejta, s’issa jlaħħaq għal ħamsa filwaqt li n-numru ta’ persuni midruba qabeż it-30.